ಯಾದಗಿರಿ..

ಹೆತ್ತವರು,ಜನ್ಮದಾತರನ್ನು ಗೌರವಿಸುವವರು ಉನ್ನತ ಸ್ಥಾನಕ್ಕೆ ಹೊಗುತ್ತಾರೆ. ರಾಮಲಿಂಗಪ್ಪ

ಯಾದಗಿರಿ : ಜನ್ಮ‌ನೀಡಿದ ಹೆತ್ತವರನ್ನು ಮತ್ತು ವಿದ್ಯೆ ಕಲಿಸಿದ ಗುರುವನ್ನು ಮರೆಯದೇ ಅವರನ್ನು ಗೌರವಿಸುವವರು ಸಮಾಜದಲ್ಲಿ ಉನ್ನತ ಸ್ಥಾನ ಹೋಗುವುದರಲ್ಲಿ ಯಾವುದೇ ಸಂಶಯವಿಲ್ಲ ಎಂದು ನಿವೃತ್ತ ವಿಷಯ ನಿರ್ವಾಹಕ ಟಿ. ರಾಮಲಿಂಗಪ್ಪ ಎಂದು ಹೇಳಿದರು.

ಶಹಾಪುರ ತಾಲೂಕಿನ ನಾಯ್ಕಲ್ ಗ್ರಾಮದ ಸರ್ಕಾರಿ ಪ್ರೌಡ ಶಾಲೆಯಲ್ಲಿ 1999-2002 ನೇ ಸಾಲಿನ ಹಳೆ ವಿದ್ಯಾರ್ಥಿಗಳಿಂದ ಗುರುಗಳಿಗೆ ಗುರು ವಂದನಾ ಹಾಗೂ ಸ್ನೇಹ ಸಮ್ಮಿಲನ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ನಿಶ್ಚಿತ ಗುರಿಯೊಂದಿಗೆ ಗುರುವಿನ ಸಹಕಾರ ಇರಬೇಕು.‌ ಗುರುವನ್ನು ಮರೆತವರು, ಗೌರವಿಸದವರು ಜೀವನದಲ್ಲಿ ಮೇಲೆ ಬರಲು ಸಾಧ್ಯವೇ ಇಲ್ಲ ಎಂದು ರಾಮಲಿಂಗಪ್ಪ ಪ್ರತಿಪಾದಿಸಿದರು.

ಆದರೇ ನಾಯ್ಕಲ್ ಗ್ರಾಮದ ಪ್ರೌಢ ಶಾಲೆ ನಮ್ಮ ಹಳೆ ವಿದ್ಯಾರ್ಥಿಗಳು ತಮ್ಮ ಗುರುಗಳನ್ನು ಕರೆಯಿಸಿ ಗೌರವಿಸಿದ ಈ ಕ್ಷಣ ಮರೆಯಲು ಆಗುವುದಿಲ್ಲ. ಇಂತಹ ವಿದ್ಯಾರ್ಥಿಗಳು ಇನ್ನೂ ಹೆಚ್ಚಿಗೆ ಆಗಬೇಕೆಂದರು.

ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಉಪನ್ಯಾಸಕರಾಗಿ ಸಿದ್ರರಾಮಪ್ಪ ಅನವಾರ್ ಮಾತನಾಡಿ, ನಕ್ಷತ್ರಗಳನ್ನು ರಾತ್ರಿ ಹುಡುಕುತ್ತಾರೆ. ಆದರೆ ನಾನು ಹಗಲು ಹೊತ್ತು ನಕ್ಷತ್ರ ಹುಡುಕಿದ್ದೇನೆ. ವಿದ್ಯಾರ್ಥಿಗಳಿಗೆ ಗುಣಮಟ್ಟ ಶಿಕ್ಷಣ ನೀಡುವ ಮೂಲಕ ಅವರಿಗೆ ಹಗಲು ನಕ್ಷತ್ರಗಳನ್ನಾಗಿ ಮಾಡಿದ್ದೇನೆ. ಇಂದು ನನ್ನ ಕೈಯಲ್ಲಿ ಶಿಕ್ಷಣ ಪಡೆದ ‌ವಿದ್ಯಾರ್ಥಿಗಳು ನಮ್ಮನ್ನು ಗುರುತಿಸಿ ಕೃತಜ್ಞತೆ ಸಲ್ಲಿಸುತ್ತಿರುವುದು. ಒಳ್ಳೆಯ ಕಾರ್ಯವಾಗಿದೆ ಎಂದು ಹೇಳಿದರು.