ದಾವಣಗೆರೆ, ಜೂನ್ 29: ದಾವಣಗೆರೆ ಜಿಲ್ಲಾ ಪ್ರಥಮ ಮಹಿಳಾ ಸಾಹಿತ್ಯ ಸಮ್ಮೇಳನದ ಅಂಗವಾಗಿ ಆಯೋಜಿಸಲಾಗುತ್ತಿರುವ ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಜಿಲ್ಲೆಯ ಪ್ರತಿಭಾವಂತ ಮಹಿಳಾ ಕಲಾವಿದರಿಗೆ ಆಹ್ವಾನ ನೀಡಲಾಗಿದೆ. ಈ ಕುರಿತು ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಬಿ. ವಾಮದೇವಪ್ಪ ಮಾಹಿತಿ ನೀಡಿದ್ದಾರೆ.

ಸಮ್ಮೇಳನದ ಸಾಂಸ್ಕೃತಿಕ ಸಮಿತಿಯ ಅಧ್ಯಕ್ಷೆ ಶ್ರೀಮತಿ ಯಶಾ ದಿನೇಶ್ ಅವರ ನೇತೃತ್ವದಲ್ಲಿ ನಡೆಯಲಿರುವ ಈ ಕಾರ್ಯಕ್ರಮದಲ್ಲಿ ಜಿಲ್ಲೆಯ ಮಹಿಳಾ ಪ್ರತಿಭೆಗಳಿಗೆ ತಮ್ಮ ಕಲೆ ಪ್ರದರ್ಶಿಸಲು ವೇದಿಕೆ ಕಲ್ಪಿಸಲಾಗಿದೆ.

ಯಾವ್ಯಾವ ಸ್ಪರ್ಧೆಗಳು?

1. ಗಾಯನ (ತಂಡದಲ್ಲಿ ಕನಿಷ್ಠ 10 ಸದಸ್ಯರು):

ಭಾವಗೀತೆವಚನಜನಪದ ಗೀತೆಗೀಗಿ ಪದಚೌಡಿಕೆ ಪದಭಜನೆರಂಗಗೀತೆತತ್ವಪದದಾಸರ ಪದಲಾವಣಿ ಸೇರಿದಂತೆ ವಿವಿಧ ಗಾಯನ ಪ್ರಕಾರಗಳು

2. ನೃತ್ಯ (ತಂಡದಲ್ಲಿ ಕನಿಷ್ಠ 8 ಸದಸ್ಯರು):

ನಾಡು-ನುಡಿಯ ಹಿರಿಮೆ ಹಾಗೂ ದೇಶಭಕ್ತಿ ಬಿಂಬಿಸುವ ನೃತ್ಯಗಳುಭರತನಾಟ್ಯವೀರಗಾಸೆಡೊಳ್ಳು ಕುಣಿತಕಂಸಾಳೆಯಕ್ಷಗಾನ ಸೇರಿದಂತೆ ವಿವಿಧ ನೃತ್ಯ ಪ್ರಕಾರಗಳು

3. ಕಿರು ನಾಟಕ / ರೂಪಕ:

ಕೌಟುಂಬಿಕ ಸಾಮರಸ್ಯಪ್ರಕೃತಿ ಸಂರಕ್ಷಣೆಸಾಮಾಜಿಕ ಜವಾಬ್ದಾರಿ ಸೇರಿದಂತೆ ಸಮಕಾಲೀನ ವಿಷಯಗಳು

4. ವಾದ್ಯ ವಾದನ:

ವೀಣೆಕೀಬೋರ್ಡ್ಸಿತಾರ್ಕೊಳಲುಹಾರ್ಮೋನಿಯಂತಬಲಾನೋಂದಣಿಗೆ ಕೊನೆಯ ದಿನಾಂಕ

ಆಸಕ್ತ ಮಹಿಳಾ ಕಲಾವಿದರು ಹಾಗೂ ತಂಡಗಳು 03-07-2026ರೊಳಗೆ ತಮ್ಮ ಹೆಸರನ್ನು ನೋಂದಾಯಿಸಬೇಕು. ನಂತರ ಬಂದ ಅರ್ಜಿಗಳನ್ನು ಪರಿಗಣಿಸಲಾಗುವುದಿಲ್ಲ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಆಯ್ಕೆ ಪ್ರಕ್ರಿಯೆ ಕಡ್ಡಾಯ

ನೋಂದಾಯಿಸಿದ ಎಲ್ಲ ತಂಡಗಳು ಆಯ್ಕೆ ಪ್ರಕ್ರಿಯೆಯಲ್ಲಿ ಕಡ್ಡಾಯವಾಗಿ ಭಾಗವಹಿಸಬೇಕು. ಅತ್ಯುತ್ತಮ ಪ್ರದರ್ಶನ ನೀಡುವ ತಂಡಗಳಿಗೆ ಮಾತ್ರ ಜಿಲ್ಲಾ ಪ್ರಥಮ ಮಹಿಳಾ ಸಾಹಿತ್ಯ ಸಮ್ಮೇಳನದಲ್ಲಿ ಪ್ರದರ್ಶನ ನೀಡುವ ಅವಕಾಶ ದೊರೆಯಲಿದೆ.

ಯಾವುದೇ ತಂಡದಲ್ಲಿ ಸದಸ್ಯರಾಗಿರದ ಪ್ರತಿಭಾವಂತ ಮಹಿಳೆಯರೂ ಪ್ರತ್ಯೇಕವಾಗಿ ಹೆಸರು ನೋಂದಾಯಿಸಬಹುದಾಗಿದೆ. ಆಯ್ಕೆಯಾದ ನಂತರ ಅವರನ್ನು ಸೂಕ್ತ ತಂಡಗಳಿಗೆ ಸೇರಿಸಲಾಗುವುದು ಎಂದು ಆಯೋಜಕರು ತಿಳಿಸಿದ್ದಾರೆ.

ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ಮನವಿ

ದಾವಣಗೆರೆ ಜಿಲ್ಲೆಯ ಸಂಗೀತ ಶಾಲೆಗಳು, ನೃತ್ಯ ಶಾಲೆಗಳು, ಸಾಂಸ್ಕೃತಿಕ ಕಲಾತಂಡಗಳು ಹಾಗೂ ಸ್ವತಂತ್ರ ಮಹಿಳಾ ಕಲಾವಿದರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಈ ಅಪೂರ್ವ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳುವಂತೆ ಆಯೋಜಕರು ಮನವಿ ಮಾಡಿದ್ದಾರೆ.

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ:ಪೂರ್ಣಿಮಾ ಪ್ರಸನ್ನ: 9986915292ನಂದಿನಿ ಗಂಗಾಧರ್: 7899542949